Njerëzit hanë ushqime organike për një sërë arsyesh. Disa mendojnë se janë të sigurt dhe më të mirë direkt nga mjedisi duke na bërë më të shëndetshëm. Një studim i ri, botuar në kronikat e Mjekësisë të Brendshme, sugjeron se kur është fjala për të shëndetshme, nuk mund të ketë shumë ndryshim mes ushqimeve ushqyese ushqime organike apo konvencionale.
Ushqimi organik nuk përmban më shumë vitamina dhe materie ushqyese se ai “i zakonshëm”, por shkencëtarët pranojnë që ekziston 30 për qind më shumë mundësi që nuk është i ndotur me pesticide. Edhe pse ekziston 30 për qind më pak probabilitet që është i infektuar me pesticide sesa ushqimi joorganik, ushqimi organik megjithatë përmban kimikate, kanë vërtetuar shkencëtarët amerikanë nga Universiteti Stanford të cilët kanë studiuar përfundimet e 237 studimeve të mëhershme.
Pavarësisht mendimit të përhapur që ushqimi organik ëhë më i shëndetshëm se si ai i rritur në mënyrë joorganike, shkencëtarët pohojnë që nuk ka dëshmi për këtë. As perimet, pemët e as mishi nga kultivimi organik nuk është më i pasur me vitamina dhe materie ushqyese se sa ushqimi joorganik, shkruan The Telegraph.
Shkencëtarët po ashtu kanë zbuluar që ushqimi i kultivuar organikisht përmban më shumë nitrogjen, por pohojnë që me siguri kjo është pasojë e plehut dhe shkallës së pemëve dhe perimeve. Përveç kësaj, qumështi dhe mishi i pulës organik përmbajnë më shumë acide yndyrore omega-3, por këtë e ka vërtetuar numri i vogël i studimeve, prandaj me siguri nuk mund të konfirmohet që është më i shëndetshëm se ai joorganik, kanë theksuar ata.
“Njerëzit duhet të hanë më shumë fruta dhe perime pavarësisht se si janë kultivuar ato. Ana pozitive e kultivimit organik është që gjatë rritjes organike nuk përdoren pesticidet sintetike dhe hormonet,” - ka shpjeguar udhëheqësja e hulumtimit, Crystal Smith-Spangler.
Kur është fjala për dallimet në mes të ushqyerit me ushqime të ndryshme, ka shumë gjëra që duhen marrë parasysh. Cilësia e tokës, klima, varietetet e ndryshme, llojet e farave të gjitha mund të ndikojnë në përmbajtjen ushqyese të frutave apo të perimeve. Kështu, për shembull, dy domate të ndryshme rritur në mjedise të ndryshme mund të kenë një ndryshim në disa nga ushqyesit e tyre. Kjo nuk ka rëndësi nëse domatja është organike apo jo. Ka pasur disa studime që tregojnë se në prodhimin e caktuar, organike dhe konvencionale kanë ndryshime ne drejtim të disa antioksidantëve. Për shembull, një studim amerikan zbuloi se luleshtrydhet organike mund të kenë më shumë vitaminë C se sa ato konvencionale. Por, nga ana tjetër, studime të tjera kanë treguar se qeplt e rritura organikisht, karrota dhe patatet në përgjithësi nuk kanë nivele të larta të antioksidantëve se sa ata konvencionale.
Ky hulumtim ka nxitur kritika nga shoqëria amerikane Soil, përndryshe promovuese e ushqimit organik, e cila pohon se si te ushqimi me prejardhje joorganike, veçanërisht mishi i pulës ekziston tri herë rrezik më i madh nga bakteret rezistente në antibiotkë sesa tek ushqimi i kultivuar në mënyrë organike.
