Peshkatari nga Kiribati dhe babai i gjashtë fëmijëve i cili kaloi rreth tre muaj e gjysmë në mëshirë të fatit në det, në një varkë prej druri është ndihmuar nga një peshkaqen për të shpëtuar jetën e tij.
Toakai Teitoi qëndroi në Paqësor për 15 javë përpara se ai të shpëtohej nga një anije peshkimi në Ishujt Marshall javën e kaluar. Peshkatari ka deklaruar pasi qe një peshkaqen rreth 3 metra i gjatë i cili i shpëtoi jetën.
Teitoi tha se ai ishte zgjuar në pasditen e 11 shtatorit kur peshkaqeni e kishte erdhur te barka dhe i binte me hundë asaj.
"Ai po më udhëzonte mua në një anije peshkimi. Arrita të bëja me dorë në drejtim të peshkarrexheës e cila po kërkonte me dylbi në oqean. Pasi anija më fokusoi mua peshkaqeni u largua larg duke notuar.", është shprehur Teitoi.
Sipas Sun Herald të Australisë, problemet me Teitoi filluan në kryeqytetin e Kiribati, Tarawa në fund të majit, ku peshkatari ishte duke marrë pjesë në një ceremoni gjatë së cilës ai u betua si një polic.
Pas ceremonisë, Teitoi dhe kunati i tij 52-vjeçar u nisën në një udhëtim prej dy orësh në oqean për në shtëpinë e tyre Maiana. Por ata ranë në gjumë gjatë udhëtimit dhe kur u zgjuan e gjetën veten larg brigjeve dhe se karburanti kishte mbaruar.
"Ne kemi pasur ushqim, por problemi ishte ne nuk kishim asgjë për të pirë", shpjegoi Teitoi , sipas Diellit.
Teitoi arriti të mbijetojë nga ngrënia e peshkut dhe shiut që kishte arritur të mblidhte dhe pinte. Ndërsa kunati i tij vdiq nga dehidrimi më 4 korrik.
Teitoi thotë se ditët e tij të lundrimit ishin një ferr. "Unë kurrë nuk do të shkoj me anije përsëri. Unë do të marr aeroplan", tha ai .
