Kreu i PDK-së Nard Ndoka, do të zyrtarizojë shkëputjen e tij nga koalicioni opozitar me Partinë Socialiste, duke u bashkuar me Partinë Demokratike, ashtu siç kishte njoftuar më parë.
Sezoni i ri parlamentar dhe dalja në skenën e politikës shqiptare të dy partive të reja, Frymës së Re Demokratike dhe Aleancës Kuq e Zi, pritet të sjellë ndryshime në koalicionet e partive politike. Partia demokristiane e Nard Ndokës është forca politike e cila duket se këtë sezon do të lëvizë djathtas, duke u larguar nga kampi opozitar. Sipas Ndokës ofertat për demokristianet nuk kane munguar edhe nga dy forcat e tjera, FRD e AK.
