Rikthehet në tregun muzikor këngëtarja Pink me albumin e saj “The truth about Love- “E vërteta për dashurinë”. Ky album është ndër më të shiturit në Shtetet e Bashkuara dhe këngët e tij janë në krye të klasifikimeve muzikore.
“E vërteta e dashurisë” është albumi i parë i regjistruar nga këngëtarja Pink që nga viti 2008. Ajo thotë se këngët e këtij albumi tregojnë se ajo është ende vajza rrebele që ka qenë gjithmonë, por pranon se në këtë album po iu tregon adhuruesve të saj dhe ndjeshmërinë e saj.
Pink thotë se në zbutjen e saj ka ndikuar pajtimi me bashkëshortin e saj dhe lindja e vajzës së tyre një vit pas ribashkimit.
Pink shoqërohet nga këngëtarë të tjerë si reperi nga Detroitit Eminem, këngëtarja britanike Lily Allen si dhe emra të tjerë.
