Në komisionin e ligjeve përsëri tema e debatit ka qënë greva e ish të përndjekurve politikë që sot futet në ditën e 18-të.
Socialistët, përmes deputetit Fatmir Xhafaj kanë kërkuar që të futet në axhentën e komisionit për diskutim të menjëhershëm ligji për dëmshpërblimin e të burgosurve politikë.
Fatmir Xhafaj ka thënë se ligji për dëmshpërblimin e ish të përndjekurve nuk ka hyrë akoma në parlament, ndërkohë që në komision, sipas tij ka ardhur që në muajin janar.
Xhafaj gjithashtu ka kërkuar shpjegime se përse ministri i drejtësisë Eduart Halimi nuk i është përgjigjur kërkesës së PS-së për seancë dëgjimore në komisionin e ligjeve.
Ndërsa greva vazhdon, debati në komision po ashtu, Gjergj Ndrecaj që tentoi të vetëdigjej ditën e djeshme, ndodhet në spital në terapi intesive.
