Duke filluar nga data 17 tetor 2012, për tre ditë me radhë në ambjentet e hotel Sheraton për të gjithë ata që duan të provojnë djathërat franceze, të mos humbasin shancin për t'i provuar.
Mjeshtri i mirënjohur francez, Claude Lauxerrois shpjegon se 20 llojet e djathrave që do të prezantohen janë të prodhuara në mënyrë artizanale, duke i bërë kështu më të vecantë në aromë dhe në shije.
“Jam këtu pasi dua që të prezantoj djathërat francezë. Këto djathëra nuk janë të fabrikuara dhe nuk kanë lidhje me teknologjinë, por janë të prodhuara në mënyrë artizanale. Kjo i bën këta djathëra të ndryshëm dhe të vecantë nga djathërat e zakonshëm, pasi shija përbën diferencën. Qoftë era, apo shija janë shumë karakteristike. I ftoj të gjithë qytetarët shqiptarë që të vijnë ti provojnë, pasi do të mbeten të kënaqur” tha Lauxerrois.
Ky lloj i festivalit të djathit është i pari në llojin e tij që zhvillohet në Shqipëri.
