Pep Guardiola, ish trajneri i Barcelonës, ka biseduar me sulmuesin Luca Toni, duke u interesuar për Bayern Munichun. Toni dhe Guardiola kanë ruajtur miqësinë nga koha kur luanin së bashku në Serie A te Brescia.
Kurse, gjatë një bisede të tij me të përditshmen gjermane Bild, anëtari i Fiorentinës ka bërë të ditur se ka biseduar me Guardiolën për ish skuadrën e tij, Bayern Munich. Guardiola po spekulon me shumë skuadra të mëdha evropiane pas largimit nga Barcelona në fund të sezonit të shkuar, në pritje të rikthimit të tij në detyrën e trajnerit pas pushimit të paralajmëruar njëvjeçar.
“Ai më ka pyetur për Bayernin. Mendoj se është filozofia e klubit nga Munichu që i pëlqen atij”, deklaroi Toni.
“Ai është trajner shumë i mirë dhe mendoj se do t'i përshtatej Bayernit. Ai do t'i jepte një shkëndijë mentalitetit gjerman. Ai duhet të drejtojë Bayernin. Ata janë një prej skuadrave më të mira në botë. Klubi ka para, ka një stadium të shkëlqyeshëm. Në Itali, i vetmi klub që mund të krahasohet me Bayernin është Juventus”, përfundoi Toni.
Toni shtoi se ekipi aktual Bayern është "i fortë", por tha se ata duhet të fitojnë Bundesligën dhe DFB-Pokal këtë sezon "në të gjitha shpenzimet", si dhe duke synuar gjysmë-finalen në Champions League.
"Nëse Bajerni nuk do të fitojë një titull për dy vjet radhazi, bosët do të jenë tepër të nervozuar, ka zbuluar Toni.
