Presidentin serb Tomislav Nikoliç, kanë tentuar t'i bëjnë atentat. Mediat serbe bëjnë të ditur seOficeri i lartë i MPB-së së Serbisë, me veturën zyrtare të tipit “xhip”, të premten në orët e para të mëngjesit, rreth orës tre, disa herë i ka prerë rrugën kolonës së eskortës së presidentit serb Nikoliç, por eskorta e sigurimit e ka parandaluar tragjedinë- shkruan gazeta beogradase “Kurir”.
Ndërkohë edhe kabineti preidentit te serbise Tomislav Nikoliç ka konfirmuar se të premten në mëngjes në autostradë ka pasur një aksident, por duke mos dhënë asnjë hollësi tjetër.
“Presidenti Nikoliç shpreh besimin e tij të plotë në anëtarët e Ministrisë së Brendshme të Serbisë,” thuhet në deklaratën e lëshuar nga zyra e presidencës serbe.
Në këtë deklaratë theksohet se Presidenti beson se do të hetohet deri në fund incidenti i tij.
”Presidenti serb Nikoliç ka udhëtuar në drejtim të Kragujevcit, në autostradën Beograd-Nish. Ai ka qenë në veturën e tipit “Mercedes”, ndërsa para dhe prapa tij ka qenë eskorta e sigurimit”.
Një tjetër tabloid serb, Blic, identifikon se oficeri në fjalë është identifikuar si Dragisha Simiq.
