Pasditen e djeshme policia e Tiranës merr një telefonatë mbi një vjedhje që kishte ndodhur në pikën e karburantit "ELDA" në bulevardin Blu në Kamzë.
Dy persona të armatosur i kishin vjedhur punonjësit të karburantit Egland Petrit Çeka shumën prej 70 000 lekësh të reja.
Menjëherë specialistë kundër vjedhjeve me dhumë dhe punonjës policie të komisariatit nr 5 mbërritën në vendngjarje, por pas hetimeve të bëra doli që gjithçka ishte organizuar nga vetë hajduti që ishte po punonjësi i karburantit Egland Petrit Çeka.
Në cilësinë e provës materiale shtetasit Egland Petrit Ceka, iu sekuestrua shuma e lekëve prej 70 000 lekë, të kallëzuara si të vjedhura dhe një sasi tollonash karburanti të kësaj pike, të cilat i kishte fshehur në trupin e tij, në çorape. Në këto kushte, oficerët e policisë gjyqësore bënë arrestimin në flagrancë të këtij shtetasi.
Materialet do t`i kalojnë për ndjekje të mëtejshme Prokurorisë së Rrethit Gjyqësor Tiranë për veprën penale të “kallzimit të rremë”, parashikuar nga neni 305 i Kodit Penal.
