E solli bukuroshja Kleoniki Delijorgji për 100 vjetorin apo ishte 100 vjetori i pavarësisë së Shqipërisa që i dha çmimin "Miss Globe 2012", për ne e rëndësishme është që vajza që fitoi çmimin e parë si bukuroshja më e mirë e globit është shqiptare.
Kina dhe Rusia u radhitën në vendin e 2 dhe të 3-të. Konkursi i bukurisë nën drejtimin kryesor të Petri Bozos u realizua këtë vit në Vlorë, jo pa qëllim por këto bukuroshe i sollën një bukuri këtij qyteti, ku u shpall Pavarësia e Shqipërisë 100 vjet më parë.
44 bukuroshet nga dhjetra shtete të botës sfiluan dhe garuan për titullin e madh në një event tërësisht të arrirë edhe pse këtë vit thotë regjizori Petri Bozo, mbështetja mungoi, sidomos nga ministria e turizmit.
Spektakli u shënua edhe nga klipet e vajzave të realizuara në trevat shqitare ku shpaloseshin bukuritë natyrore , si rruga më e mirë për të reklamuar vendin tone.
Spektakli prej 3 orë e 30 minuta iu besua drejtimit të Krenar Ahmetit dhe Hygerta Sako.
