Kryeministri i Republikës së Kosovës, Hashim Thaçi, Zëvendëskryeministri dhe Ministri i Drejtësisë, Prof. Dr. Hajredin Kuçi, Ministri i Administratës Publike, Mahir Yagcilar, Shefi i Zyrës së BE-së e Përfaqësuesi Special i BE-së në Kosovë, Samuel Zbogar dhe krerët e institucioneve të gjyqësorit, kanë vizituar vendin ku është duke u ndërtuar Pallati i Drejtësisë, ku sipërmarrësi i kompanisë së ndërtimit i bëri një prezantim të punëve që janë duke u bërë për ndërtimin e këtij pallati.
Pallati i Drejtësisë është projekt i përbashkët i Qeverisë së Republikës së Kosovës dhe Bashkimit Evropian. Në Pallatin e Drejtësisë pritet të vendosen të gjitha institucionet qendrore të drejtësisë, po ashtu do të vendosen edhe institucionet lokale të drejtësisë të Komunës së Prishtinës.
