”PS duhet të votojë ligjin e Gjykatës së Lartë në mënyrë që Gjykata Administrative të fillojë të funksionojë”.
Këto kanë qënë fjalët e para në deklaratën e Minisitrit të Drejtësisë, z.Eduard Halimi bërë dje gjatë inagurimit të Gjykatës së Apelit Administrativ dhe Rikonstruksionin e Gjykatës së Apelit të Tiranës. Kreu i drejtësisë i ka bërë apel opozitës që të votoj ligjet me 3/5 dhe të mos i mbaj ato peng të politikës së ndjekur nga Rama por ti votojë ato në favor të qytëtarëve.
“Inauguram gjykatën administrative të Apelit të Tiranës. Kjo do të thotë se ne e kemi gati infrastrukturën, do të thotë se më 1 janar kemi gati infrastrukturën për gjykatën e apelit të Tiranës, administrativ. Po ashtu dhe Gjykata Administrative e Tiranës inaugurohet pak javë më pas dhe ne e kemi gati të gjithë procesin i cili varet nga pjesa e qeverisë. Presim që në ditët në vijim të miratohet ligji për Gjykatën e Lartë në mënyrë që ajo godinë që ne inauguruam të mos ngelet një godinë e paefektshme. ",tha Ministri Halimi”
Gjatë fjalës së tij Halimi tha se i ka kërkuar KLD-së që brenda muajit dhjetor të testojë gjyqtarët për gjykatës administrative ndërsa do ti dërgojë presidentit Nishani për dekretim listën për rishpërndarjen e gjyqtarëve.
Nga ana e tij kreu i Gjykatës së Apelit,z. Alaudin Malaj shprehu entuziazmin e tij për rikonstruksionin e kësaj gjykate dhe inagurimin e Gjykatës administrative duke vlerësuar se kjo do të përmirësoj dukshëm gjykimin në kohë të shpejtë dhe të duhur të ccështjeve administrative.
Gjykata e apelit administrativ do të ketë 7 gjyqtarë me nga dy salla për cdo trup gjykues, zyrë për cdo gjyqtarë si dhe system audio-dhe video për cdo seancë gjyqesore. Brenda këtij viti pritet të inagurohet edhe Gjykata Administrative e shkallës së parë.
