24 vjeçari Marjan Kerimi, shqiptari që jetonte në Itali është qëlluar me armë për vdekje nga një polic italian.
Kerimi së bashku me 3 shqiptarë të tjerë është kapur brenda një makine të vjedhur. Policia pasi kishte njohur makinën e vjedhur nga një denoncim që ishte bërë, ka nisur ndjekjen e makinës, ku ai i kishte bërë thirrje për të ndaluar por ata vazhduan madje duke u futur në një rrugë pa dalje.
Braktisin makinën dhe tentojnë të largohn në këmbë. Në këtë kohë polici qëllon me pistoletën e shërbimit duke plagosur për vdekje shqiptarin. Ai transportohet për në spital por nuk përballon dot plagët e marra.
Burimet policore italiane thonë se edhe shqiptari i ka drejtuar armën policit ndaj dhe ky qe i detyruar të qëllonte. Gjithashtu Kerimi rezultoi person me precedencë penale pasi edhe më parë prokuroria e Firences kishte lëshuar një urdhër arresti më 11 korrik, për trafik droge.
Në mjetin e vjedhur CLS Mercedes u gjetën edhe mjete të tjera të vjedhura, si portofola, çanta, një laptop dhe materiale të ndryshme.
