Shumica e aborteve bëhen brenda 12 javëve të para të shtatzënisë. Ka dy mënyra: me tableta ose me operacion. Por kujdes! Ato duhet të kryhen nga mjekët specialistë për këtë procedurë. Sepse ndërlikimet janë të shumta dhe të rrezikshme.
Edhe pse informacionet rreth abortit nuk mungojnë përsëri shifrat janë alarmante në Shqipëri.
Sipar studimeve të kryera nga USIAD përllogariten 230 aborte në 1000 lindje të gjalla, ndërkohe që në vende të tjera të Europës përllogariten vetëm 28 në 1000 lindje. Shqiptarët përësri mbeten me metoda tradicionale për kryerjen e aborteve.
"Faktikisht nga pjesa e njohurive, ne pamë se gratë kishin përsëri frikë nga përdorimi i metodave kontraceptive. Kostoja ishte nje tjetër element. Në këtë studim u pa se kryesisht mjekët kërkonin më shumë ekografi dhe vizita pasuese për abortin, apo fillimin e metodave kontraceptive, me shume se normat e rekomanduara nga OBSH. Detyrimisht që këto vizita pasuese apo ekografi më shumë se normat e rekomanduara nga OBSH rrisin koston e metodave të planifikimit familjar", thotë Arian Boci, koordinator i studimit.
