Në ditëlindjen e 100-të të Kombit, Kryetarja e Kuvendit të Shqipërisë, Jozefina Topalli, së bashku me Kryeministrin e Shqipërisë Sali Berisha dhe krerët më të lartë të shtetit të Kosovës, bëri dje homazhe dhe vendosi kurora me lule në varrezat e dëshmorëve, për të përkujtuar 28 nëntorin, këtë datë të shënuar të historisë.
Kryetarja e Kuvendit të Shqipërisë, vendosi një kurorë me lule në monumentin “Nënë Shqipëri”, në nderim të gjithë atyre që sakrifikuan dhe dhanë jetën për lirinë e pavarësinë e Shqipërisë.
