Tashmë një opsion i mundshëm është që CEZ Shpërndarje të kalojë në pronësi të qeverisë.
Zëvendësministri i Ekonomisë Enno Bozdo tha se Qeveria po negocion me kompaninë për marrjen e aksioneve të CEZ Shpërndarje me cmimin simbolik 1 euro.
"Kemi proceduar me negociata direkte me kompanine mëmë të CEZ për të parë të gjitha mënyrat për të gjetur një zgjidhje që nuk do të cënojë sigurimin me energji elektrike të vendit. Opsioni më i mundshem është kalimi i pronësisë së CEZ shpërndarje nga pronësi e cez, kompani e madhe, në pronesi të ministrisë së ekonomisë në të gjithe pjesën e mbetur të aksioneve me çmimin simbolik 1 euro. Nderkohë që të dyja palët do të ruajne të drejtën sipas normave juridike për të shfaqur pretendimet e tyre në një proces të ndarë nga procesi i parë, kjo bëhet që të administrohet si duhet cez shperndarje gjë që nuk ka ndodhur deri më sot", u shpreh Bozdo.
