Një gjykatës federal në Nju Jork ka dënuar ditën e martë, shtetasin shqiptar Agron Hasbajrami me 15 vjet burg për mbështetjen e një grupi terrorist në Pakistan.
Hasbajrami, 28 vjeç, shtetas i Shqipërisë, u arrestua në Nju Jork John F. Kennedy International Airport në shtator 2011, ndërsa po përpiqej për të udhëtuar në zonat fisnore në Pakistan. Ai u deklarua fajtor në prill pasi ka mbështetur grupin terrorist, i cili nuk u identifikua në dokumentet gjyqësore. Prokurorët kanë rrëzuar tre akuza të tjera si pjesë e një ujdie që i ka kursyer atij një dënim të përjetshëm, raportoi The New York Times.
"Nëse unë do të isha prokuror,nuk do të kisha dhënë këtë marrëveshje," tha Gjykatësi John Gleeson gjatë dhënies së vendimit për dënimin 15-vjeçar në Gjykatën Federale të Qarkut në Bruklin. "Çfarë ju bëtë është një krim serioz. Është i denjë për dënim."
Departamenti amerikan i Drejtësisë tha se në kohën e arrestimit të tij Hasbajrami dëshironte të udhëtojë jashtë vendit për tu "martuar me vajzat në parajsë ", duke përdorur retorikë xhihadiste për të përshkruar dëshirën e tij për të vdekur si martir."
Prokurorët federalë thanë se ai dërgoi më shumë se 1000 $ në Pakistan "për të mbështetur përpjekjet e tij të lidhjes me terroristët."
Hasbajrami u arrestua në JFK para se ai të hipte në një fluturim për në Turqi dhe i cili ishte duke mbajtur një çadër, çizme dhe veshje për temperatura të ulëta.
