Rajo Verma është një 21-vjeçare indiane e cila ka 5 bashkëshortë, të cilët janë vëllezër me njëri-tjetrin. Bajju që është dhe burri zyrtar, Sant, Ram, Gopal, dhe Dinesh.
Ajo ka dhe një fëmijë, por nuk e di se kush është babai sepse ajo fle me një burrë të ndryshëm çdo natë.
“Në fillim ishte paksa e çuditshme, por unë nuk kam një të preferuar. I dua të gjithë njësoj”, shprehet gruaja indiane për ‘The Sun’.
Ndërsa burri i vetëm zyrtar i saj thekson: “Të gjithë ne vellëzërit flemë me Rajon, por unë nuk jam xheloz. Jemi një familje e madhe dhe e lumtur.”
Çifti është martuar para katër vitesh, por zakoni në fshatin e tyre e do që gruaja duhet të pranojë si burra të saj edhe vëllezërit e dhëndrit.
Vëllai i madh thotë: “E konsideroj Rajon si gruan time dhe fle me të, ashtu siç bëjnë edhe vëllezërit e mi.”
Vetë Rajo nuk e ka problem këtë zakon që quhet poliandri: “Edhe nëna ime ka qenë e martuar me tre burra që ishin vëllezër, kështu që isha e përgatitur. Fle me radhë me secilin prej tyre. Ne nuk kemi shtretër, vetëm shtrojmë shumë batanije në dysheme. Marr më shumë vëmendje se shumica e grave të tjera që kanë vetëm një partner.
