Mbrëmjen e djeshme në zona e ish bllokut ka ndodhur një vjedhje pikërisht në Njësinë Bashkiake nr. 5.
Roja është plagosur nga personat e armatosur që më pas janë futur në ambjentet e bashkisë dhe te zyra e financës kanë marrë kanë marrë të paktën 12 milionë lekë të reja.
Roja menjëherë u dërgua në spital dhe ndodhet jashtë rrezikut për jetën ndërkohë bëhet e ditur se nuk është thyer kasaforta për marrjen e lekëve pasi çelësat kanë qenë në tavolinën e zyrës së financës.
Policia që ka nisur hetimet ka marrë në pyetje punonjës të bashkisë dhe e çuditshme është sesi autorët që besohet të ishin dy, kanë pasur sinjale se në kasafortë ishin futur mbi 12 milionë lekë, e për më tepër, paradoksal fakti se autorët kur u futën në zyrën e kasafortës, i priste mbi tavolinë çelësi i arkës metalike. Kështu nuk u duhej fare të lodheshin për ta thyer, sepse thjesht i duhej ta hapnin e të merrnin paratë duke u larguar qetësisht në terrin e natës.
Ndërkohë Jeta Seitaj, kryetarja e Njësisë Bashkiake nr 5, e kandiduar nga PS-ja, ka kryer denoncim në policinë e Tiranës duke sinjalizuar mbi vjedhjen.
Ajo ka pohuar se ishin rrëmbyer pikërisht paratë e asistencës sociale planifikuar për t’u shpërndarë në ditët në vijim.
