Sot rreth orës 03.40, është gjendur i vetëvarur shtetasi i shoqëruar në ambjentet e pritjes së Komisariatit të Policisë Nr.3 Tiranë Ndue Kolçi, 50 vjeç, me banim në Tiranë.
Shërbimet e Policisë së këtij komisariati, pas marrjes së një informacioni se në qëndër të Laprakës, gjëndet i shtrirë dhe i gjakosur një shtetas, mënjëherë ka shkuar një Patrullë e Policisë e cila i kanë dhënë ndihmën e parë duke e dërguar atë në Spital.
Pas marrjes së ndihmës mjekësore, shtetasi Ndue Kolci është shoqëruar në ambjentet e pritjes së komisariatit, pasi ishte në gjendje të dehur dhe me vehte i është gjetur një pistoletë (ku pas verifikimeve nuk ishte armë zjarri).
Shoqërimi është kryer, me qëllim për verifikime të mëtejshme nëse ky shtetas, ishte i dëmtuar nga një vepër penale apo autor i saj.
Përgjatë qëndrimit në ambjentet e pritjes në komisariat, nga oficeri i policisë, janë kryer procedurat standarte të mbikqyrjes së tij, por duhet të theksojmë se në këto ambjente, lejohet që një shtetas të mbajë sende personale si : celular, syza, orë, unaza, lidhëset e këpucëve, rripi i pantallonave etj, heqja e të cilave nga Policia do të përbënte shkelje të lirive dhe të drejta të njeriut.
Viktima dyshohet se, është vet’varur duke përdorur rripin e pantallonave në ambjentet e pritjes së komisariatit.
Strukturat e kompente janë duke kryer hetime të mëtejshme për sqarimin e plotë të rrethanave të kësaj ngjarje.
