Bashkim Malo, 40 vjeç, me detyrë efektiv policie është qëlluar me thikë.
Ai ka marrë një goditje në kokë dhe 2 të tjera në shpatull. Efektivi i policisë është dërguar menjëherë për në spitalin kirurgjik të Elbasanit, ku ndodhet në reanimacion.
Nga të dhënat e para raportohet se personi që ka sulmuar efektivin e policisë, Bashkim Malo, ka qenë në gjendje të dehur, por ende nuk është e qartë se çfarë ka ndodhur.
Policia ka nisur hetimet për zbardhjen e ngjarjes së rëndë.
