Mjafton te shikojme shifrat e larta te kancerit ne vend per te kuptuar se ka faktore qe ndikojne fuqishem ne shfaqjen e tij. Mesohet se 30 per qind e tyre shkaktohen nga kequshqyerja. Me cfare ka te beje ne thelb ajo? Disa te rrembyer nga puna e te tjere nga mungesa e kohes zgjedhin ushqime te gatshme, sufllaqe, hamburger, qofte etj... te gjitha te skuqura e kushedi se si. Konsumi i tepert, i perditshem i ketyre gjerave te gatuara keq ndikon ne crregullimin e zorres se trashe dhe stomakut duke cuar deri ne shfaqjen e semundjes vdekjeprurese te kancerit.
Ky nuk eshte konkluzioni yne, por i specialisteve. Alarmin e jep Donika Bocari, shefe laboratori ne Departamentin e Shendetit dhe Mjedisit ne Institutin e Shendetit Publik. "Produktet polare jane nje tregues i shkalles se degradimit te vajit, i zberthimit, shkaterrimit, oksidimit dhe krijimit te produkteve te tjera qe shkaktojne disa komponente qe jane kancerogjene", pohon ajo. Fakt eshte qe gjate inspektimeve te terren, ISHP ka hasur ne lokale dhe fast-foode qe perdorin vajra mbi normen e lejuar te polimerizimit, duke arritur mbi 60-70 per qind polimerizim. Lajmi i mire eshte qe tashme sapo ka nje ligj per kontrollimin e ketyre vajrave per skuqje, i cili nuk duhet te kaloje mbi 25 per qind te produkteve polare. Cdo gje do te varet nga puna qe do te kryeje Autoriteti Kombetar i Ushqimit per monitorimin e perdorimit te ketij vaji neper lokale, restorante apo fast-foode.
Specialistja Bocari keshillon me tej edhe amvisat shtepiake qe nese vaji gjate perdorimit te tij te shpeshte fillon te nxjerre tym, te marre ngjyre dhe eren e produktit qe eshte skuqur, te mos perdoret me pasi perben rrezik serioz per shendetin tone. Zgjidhja ne kete rast nuk do te ishte hedhja ne gjelle apo diku tjeter, pasi ky vaj permban te njejten substance kancerogjene edhe nese perdoret ne zierje apo diku tjeter.
