Orët e mbrëmjes të ditës së djeshme nga Zagrebi, Kroaci, mdeiat kroate njoftojnë se ka ndërruar jetë në moshën 62-vjeçare, Josip Kuzhe, ish trajner i Kombëtares Shqiptare.
Kuzhe kishte vite që vuante nga një sëmundje e keqe. Ish-trajneri vuante nga leucemia dhe vitet e fundit gjendja shëndetësore u përkeqësua së tepërmi, aq sa e detyroi që edhe në kohën kur ishte në drejtimin e Shqipërisë, të shtrohej disa herë në spital pasi pati shumë komplikacione.
Kuzhe ka qenë trajner i Dinamos së Zagrebit, Interit të Kroacisë, Varteksit, Borcit nga Banjalluka, Mainzit, Gambas nga Osaka. Në karrierën e tij si futbollist ka zhvilluar 384 ndeshje me ekipin e Dinamos së Zagrebit, ndërsa në krye Kombëtares qëndroi për 18 muaj.
