Të gjitha kalkulimet flasin për një fitore të thellë, madje të paparashikueshme në disa rajone të vendit, të koalicionit të majtë të drejtuar nga Edi Rama.
Koalicioni opozitar “Aleanca për Shqipërinë Europiane”, duket se ka marrë shumicën e cilësuar të vendeve në Parlamentin e ri, 85 nga 140 mandate deputetësh në total.
Ndërkohë i vetmi qark që mund të ndryshojë mandatin është Tirana ku PS kërkon ti marrë një mandat të së djathtës.
Në qarkun e Tiranës ende nuk ka përfunduar numërimi në KZAZ 33 dhe 34, në njësinë bashkiake numër 4 dhe 5.
Ndërkohë që procesi i numërimit ka nisur në KZAZ 34, në njësinë bashkiake numër 5 në KZAZ-në 33 tek shkolla “Bajram Curri” puna nuk ka nisur ende.
Mësohet se ka përfunduar numërimi në KZAZ numër 53 të Librazhdit, e fundit për qarkun e Elbasanit.
Partia Socialiste i shkruan Komisionit Qendror të Zgjedhjeve për zhbllokimin e situatës në njësinë bashkiake numër 5, ku është ndërprerë numërimi i votave. “Numëruesit e Partisë Demokratike dhe Partisë Republikanë po bllokojnë procesin”, thuhet mes të tjerash në shkresën e socialistëve për zhbllokimin e procesit të numërimit.
Kërkesa në KQZ u nis 30 minuta më parë drejt institucionit qendror të menaxhimit të zgjedhjeve, ndërsa në Njësinë bashkiake 5 është ndërprerë procesi i numërimit që në orën 02.00 të natës së sotme.
Kanë mbetur edhe 6 kuti, nga 105 të tilla që ka kjo njësi, që presin të numërohen deri në përfundim të plotë. Deri në këto momente shifrat flasin për 18875 vota për Partinë Socialiste, 10004 votë për Partinë Demokratike dhe 3091 vota për LSI.
Ja numri paraprak i mandateve sipas qarqeve
Vlorë
koalicioni i majtë 8 mandate
koalicioni i djathtë 4 mandate
Shkodër
koalicioni i majtë 6 mandate
koalicioni i djathtë 5 mandate
Gjirokastër
koalicioni i majtë 4 mandate
koalicioni i djathtë 1 mandat
Fier
koalicioni i majtë 11 mandate
koalicioni i djathtë 5 mandate
Kukës
koalicioni i majtë 2 mandate
koalicioni i djathtë 2 mandate
Korçë
koalicioni i majtë 7 mandate
koalicioni i djathtë 5 mandate
Dibër
koalicioni i majtë 3 mandate
koalicioni i djathtë 3 mandate
Berat
koalicioni majtë 6 mandate
koalicioni i djathtë 2 mandate
Elbasan
koalicioni majtë 8 mandate
koalicioni i djathtë 6 mandate
Lezhë
koalicioni majtë 4 mandate
koalicioni i djathtë 3 mandate
Tiranë
koalicioni majtë 19 mandate
koalicioni i djathtë 13 mandate
Durrës
Koalicioni i majtë 7 mandate
Koalicioni i djathtë 6 mandate
