Dy burra britanikë besohet se kanë vdekur në incidente të veçanta mbytjeje në Turqi, ndërsa një adoleshent është duke luftuar për jetën e tij, pasi u godit me thikë dhjetë herë.
Incidentet kanë ndodhur brenda 24 orëve njëri pas tjetrit në bregdetin jugor të Turqisë.
Dy turistët britanikë, Anthony Gissing dhe Martin Webb, vdiqën për shkak të mbytjes në plazhe të ndryshme në rrethin Olundeniz të Mugla-s.
Ata kur u pikasën në det se nuk po lëviznin u nxorrën nga pushuesit e tjerë dhe direkt u çuan në spital por nuk mundën të ktheheshin në jetë.
Në Marmaris, një adoleshent britanik, i quajtur si Dwaine Ward, po lufton për jetën e tij, pasi u gjet i zhveshur dhe me plagë thike në një kopsht në lagjen Tepe, një tjetër zonë e populluar me turistë britanikë.
