Problemet e flokëve
Flokët mund të jenë të gjatë dhe me onde, të shkurtër dhe të drejtë, kaçurrela dhe të pamanaxhueshëm, ose të lëmuar dhe me shkëlqim. Flokët kanë përbërje, gjatësi, ngjyra dhe stile të ndryshme. Megjithatë, të gjithë njerëzit, pavarësisht llojit të flokëve, bien pre e të paktën një problemi flokësh, minimum një herë në jetë.
Flokët e thinjur
Disa njerëz i konsiderojnë thinjat si diçka që i dallon prej të tjerëve; per disa të tjerë, janë një shenjë e plakjes. Megjithatë, të gjithë e dimë se thinjat janë të pashmangshme me kalimin e moshës.
Shkencëtarët historikisht kanë bërë hulumtime të hollësishme rreth thinjave, dhe kanë zbuluar më në fund rrënjët e këtij problemi. Qimet e marrin ngjyrën prej pigmentit që quhet melanin, i cili prodhohet nga qelizat melankolite në folikulat e qimeve. Studiuesit kanë zbuluar se melankolitet durojnë dëmtimin që akumulohet gjatë viteve, gjë që eventualisht i dëmton dhe shkakton paaftësi për të prodhuar melaninën. Studimet sugjerojnë se dëmtimi i AND dhe grumbullimi i peroksidit të hidrogjenit në folikulat e qimeve janë shkaqe të mundshme të dëmtimit të prodhimit të melaninës. Pa melaninën, qimja e re që rritet nuk përmban pigment, dhe ajo del e bardhë, gri ose në ngjyrë argjendi.
Disa njerëz fillojnë të thinjen shpejt, madje që në moshën e adoleshencës. Fillimi i thinjave zakonisht përcaktohet nga gjenetika, pra, nëse nëna apo babai juaj është thinjur herët, edhe ju do të thinjeni afërsisht në të njëjtën periudhë të jetës.
Rënia e flokëve
Normalisht, flokët kalojnë një cikël të rregullt rritjeje. Ato rriten gjatë fazës anagjene, e cila zgjat tre deri katër vjet. Gjatë fazës telogjene, që zgjat deri në tre muaj, flokët pushojnë. Pas fazës së pushimit, flokët bien dhe zëvëndësohen nga flokë të reja.
Njeriu i zakonshëm humbet rreth 100 qime floku në ditë.
Rënia e flokëve, mund të jetë gjithashtu shkak i ndonjë sëmundjeje të caktuar apo përdorimit të drograve dhe medikamenteve specifike.
Me kalimin e moshës, meshkujt fillojne të humbasin flokët në majën e kokës, që eventualisht lë një unazë në formën e patkoit të kalit me flokëve rreth anëve. Kjo lloj rënieje e flokëve quhet alopecia androgjenetike. Shkaktohet nga gjenet (nga të dy prindët), dhe furnizohet nga hormoni mashkullor, testosteroni.
Në alopecinë femërore, rënia e flokëve është ndryshe; flokët hollohen në majën e skalpit, duke lënë flokët përpara të pacënuar. Flokët bien nga një numër kondicionesh të ndryshme. Njerëzit që vuajnë nga një sëmundje auto-imunitare e cila quhet alopeci areata, humbasin flokët në skalpin e tyre si dhe në pjesë të tjera të trupit. Kondicione të tjera që shkaktojnë rëniën e tepërt të flokëve janë:
Mjekime si retinoidet, antidepresantët, statinat, kontraceptivët, trajtime hormonale, mjekimet e tensionit të lartë të gjakut, kemioterapia, dhe trajtimet me rrezatim.
Infeksione të rëmda.
Ndërhyrje kirurgjikale serioze.
Teroide hiperaktive dhe gjithashtu hipoaktive.
Probleme hormonale.
Stres në sasi të madhe.
Sëmundje auto-imunitare si lupus.
Infeksione fungale në skalpin e kokës.
Shtatëzania dhe lindja.
Praktika të caktuara në kujdesin e flokëve si mbajtja e flokëve në bisht të shtrënguar fort, çngjyrosja apo permanenti i shpeshtë, mund të shkaktojnë gjithashtu humbje flokësh. Disa njerëz shkulin flokët në mënyrë kompulsive. Ky çrregullim psikologjik quhet trikotilomania.
Në rastin kur rënia lidhet me mjekime specifike, ndërprerja e mjekiit zakonisht ndalon rënien e mëtejshme të flokëve, dhe flokët rritën përsëri. Gjithashtu, flokët ri-rriten pas kemioterapisë, rrezatimit dhe sëmundjeve të caktuara. Zakonisht njerëzit mbajnë paruke ose kapele për të fshehur kokën pa flokë. Disa të tjerë aplikojnë transplante flokësh pr të trajtuar më mirë problemin.
Rënia e flokëve nuk ri-kthehet vetvetiu, por ka mjekime dhe trajtime që e ngadalësojnë dhe i rrisin në disa raste edhe mund ti rrisin flokët. Trajtimet përfshijnë ilaçe me recetë, injektime kortizonike dhe mjekime në sipërfaqe të lëkurës.
Dëmtimi i flokëve
Tharja me tharëse, drejtimi, fijet e dekoloruara dhe permanenti mund të shkaktojnë dëmtime të flokut, duke e bërë të këputet, të bjerë dhe të vështirë për tu manaxhuar. Djegia e majave dhe tharja e majave janë thjesht pasoja të stilimit të tepërt të flokut.
Stilimi i tepërt dhe nxehtësia shkaktojnë maja të këputura dhe maja të ndara të flokut, që ndodhin kur shtresa e jashtme mbrojtëse e flokut dëmtohet dhe bie. Disa nga trajtimet e këtij kondicioni përfshijnë:
Kriheni lehtë me një krehër të butë, fleksibël dhe delikat; Mos e teproni krehjen.
Shmangni tharjen me peshqir. Nëse thaheni me peshqir, mos aplikoni forcë në flok.
Përdorni balsam dhe maskë rigjeneruese, të paktën një herë në javë.
Flokët kanë nevojë për hidratim dhe një sasi të caktuar vaji për të qenë të shëndetshëm. Një sërë problemesh mund të shkaktojnë tharjen e flokëve:
Larja e shpeshtë.
Përdorimi i një shampoje të ashpër.
Tharja shumë e shpeshtë apo përdorimi i pajisjeve të nxehta për të drejtuar apo krijuar kaçurrela.
Ekspozimi ndaj diellit, erës, dhe ajrit të thatë.
Boja dhe permanenti.
Ushqimi i keq.
Disa lloj medikamentesh.
Për të ruajtur hidratimin e flokëve:
Mos i lani flokët çdo ditë, në rast se nuk vuani ndga ndonjë kondicion si zbokthi që kërkon larje ditore për tu mbajtur nën kontroll. Kur i lani flokët, përdorni një shampoo të lehtë e delikate që është dizajnuar për të hidratuar flokët e thatë.
Përdorni balsam, çdo herë që lani flokët.
Kufizoni tharjen me tharëse dhe përdorimin e pajisjeve që përdorin nxehtësi për stilim.
Rrisni kohën midis trajtimeve si permanenti dhe lyerja e flokut.
Vishni kapele në ditë të ftohta dhe me erë, dhe vishni kapuç mbrojtës gjatë notimit.
Flokë të yndyrshme
Lëkura e kokës, ose skalpi përmban një vaj natyral q quhet sebum, i cili ruan lubrifikimin e lëkurës. Sebum prodhohet në gjëndrat e yndyrës, të cilat ndonjëherë prodhojnë më shumë yndyrë se normalisht dhe kjo shkakton yndyrosjen e tepërt të skalpit. Flokët e yndyrshme mund të duken të dobët, pajetë dhe të lëpirë pas skalpit, dhe janë të vështirë për tu manaxhuar. Për trajtimin e flokëve të yndyrshëm, rekomandohet larja me një shampo delikate, të formuluar specifikisht për të kontrolluar yndyrën e tepërt.
