Konfirmimi i marrëdhënieve miqësore mes Republikës së Maqedonisë dhe Federatës Ruse, si dhe mundësitë dhe moduset për avanacimin e bashkëpunimit reciprok, ishin temat për të cilat diskutuan ministri i mbrojtjes, Talat Xhaferi, ambasadori Rus në Republikën e Maqedonisë Oleg Nikollaeviç Shçerbak dhe atasheu ushtarak rus, kapiteni Evgenij Shitov, në takimin e sotëm në Ministrinë e Mbrojtjes.
Gjatë takimit, në drejtim të thellimit të bashkëpunimit bilateral, ministri Xhaferi, sugjeroi disa zona në fushën e mbrojtjes dhe sigurisë, në të cilat ka vend për një bashkëpunim më të ngushtë si në sferën e trajnimit të mbajtjes së pajisjeve ushtarake nga prodhimtaria ruse, në edukimin ushtarak, pjesëmarrje në stërvitje reciproke ushtarake, shfrytëzimin e qendrës së trajnimit "Krivolak" dhe qendrës rajonale për marrëdhënie me publikun.
Ambasadori Shçerbak, ndërkohë, u falënderua për takimin dhe për mundësinë e shkëmbyerjes së ideve dhe mendimeve lidhur me bashkëpunimin në aspektin e mbrojtjes dhe të sigurisë.
Bashkëpunimin e kësaj fushe, Republika e Maqedonisë dhe Federata Ruse, e vënë në themel mbi Marrëveshjen për bashkëpunim në fushën ushtarake që nga viti 1997.
