Ekzaminime mjekësore për turistët dhe punëtorët sezonalë, për të penguar hyrjen në Kuvajt të gay-t. Lajmi i çuditshëm është pohuar për mediat lokale nga drejtori i departamentit të Shëndetit Sublik në Kuvajt, Yussef Mendkar.
Sipas udhëzimit, mjekët shumë shpejt do të bëjnë vizita “speciale” për të identifikuar mes njerëzve që vizitojnë vendin apo qëndrojnë për të punuar, sjelljet seksuale “të ndaluara”. Në Kuvajt janë të ndaluar marrëdhëniet homoseksuale mes burrave, ndërkohë që çuditërisht tolerohen mes grave.
Sipas Mendkar vizitat e kontrollit mund të adaptohen edhe nga të gjitha vendet arabe: Arabi Saudite, Kuvajt, Emiratet e Bashkuara Arabe, Oman, Katar e Bahrein dhe mund të çojnë në largimin e menjëhershëm edhe të turistëve tranzit./Shekulli Online/.
