U krijua Këshilli Ekonomik Kombëtar, një tjetër zotim i bërë realitet për të bashkuar në një institucion të ri pranë qeverisë ekspertë të nivelit më të lartë ndërkombëtar, përfaqësi të sipërmarrjes, sektorit bankar, institucioneve financiare ndërkombëtare, si edhe të vetë qeverisë së Shqipërisë, duke krijuar kështu një hapësirë mendimesh të pavarura dhe kryqëzim këndvështrimesh të ndryshme për të sotmen e të nesërmen e ekonomisë e të financave të vendit.
Takimi i parë zgjati përreth tre orë dhe konfirmoi qartësisht nevojën dhe dobinë e jashtëzakonshme të këtij institucioni të ri.
