Libia është shteti më i fundit që ka njohur Republikën e Kosovës si vend të pavarur, duke e çuar numrin e njohjeve në 105.
Ministri i Punëve të Jashtme të Kosovës, Enver Hoxhaj, nëpërmjet Ambasadës së Kosovës në Tiranë, ka marrë notën verbale të njohjes nga Libia.
Nota e njohjes verbale, i është dorëzuar Gani Veselajt, Ministër-Këshilltar në Ambasadën e Kosovës në Tiranë, nga i ngarkuari me punë në Ambasadën e Libisë në Tiranë, Essam F. Ben Galiel, raporton gazeta “Express”.
Në këtë dokument komunikohet vendimi i qeverisë së Libisë për njohjen zyrtare të Republikës së Kosovës si shtet i pavarur.
Gjithashtu shteti libanez ka shprehur gatishmërinë për vendosjen e marrëdhënieve diplomatike ndërmjet dy shteteve.
