Nuk e dimë përse nxituan kaq shumë që të bënin publik lajmin e rremë se Artistja e Popullit, këngëtarja Vaçe Zela ka ndërruar jetë.
Për fat të mirë, këngëtarja është në jetë. Ajo jeton prej vitesh në Zvicër dhe momentalisht kurohet në një spital. Por sigurisht që nuk i erdhi aspak mirë për këtë lajm që u përhap në mediat sociale.
E mirënjohura Vaçe Zela, e cila me zërin e saj ka bërë që breza të tërë ta adhurojnë, u shpreh se është mirë. Ndërsa bashkëshorti i saj dhe e bija thanë se ishte vërtet e tmerrshme që të përhapej një lajm i tillë për njeriun e tyre të dashur. “Vdekja” e Vaçe Zelës preku mjaft njerëz, ndaj jemi shumë të lumtur që ky lajm është i rremë.
