Gazeta rumune "Romania libera" ka publikuar të mërkurën një artikull i cili flet lidhur me një tip të ri të virusit HIV i cili është zbuluar në shumë shtete, ndërmjet të cilëve ndodhen edhe shtetet ballkanike si Rumania, Bullgaria dhe Greqia.
Tipi i ri deri tani është zbuluar te homoseksualët dhe te të varurit nga drogat e tjera.
Sipas njohurive paraprake kjo sëmundje zhvillohet më shpejt se llojet e tjera të HIV-it.
"Ky është virus i rikombinuar, që u shfaq fillimisht në Portugali dhe në Spanjë dhe dalëngadalë po afrohet në këtë pjesë të Evropës, por për momentin është edhe në Rumani, Greqi dhe Bullgari", deklaroi Adrian Streinu-Cercel, drejtor i Institutit "Matei Balsh" në Bukuresht.
