Por ka patur dhe njerëz të tjerë që nuk kanë mundur ti japin lamtumirën e fundit Nelson Mandelës me pretekstin se nuk janë ftuar.
Veteran luftëtar anti-aparteidit Desmond Tutu ka thënë se ai nuk do të shkojë në funeralin e Nelson Mandelës, sepse ai nuk është ftuar.
"Unë do të kisha dashur të marr pjesë për të thënë lamtumirën e fundit për një person të dashur dhe të çmuar si Mandela," tha kryepeshkopi në pension në një deklaratë.
Por ai nuk ka dashur të hyjë pa ftuar "në një funeral privat të familjes."
Megjithatë, një zëdhënës presidencial këmbënguli se ai ishte në mesin e të ftuarve dhe çdo problem do të zgjidhet.
"Tutu nuk është një person i zakonshëm, ai është një person i veçantë në vendin tonë dhe ai është padyshim në listë," tha zëdhënësi presidencial Mac Maharaj për agjencinë e lajmeve AFP.
"Nëse ka ndonjë problem ne do të përpiqemi për ta zgjidhur, por unë mund t'ju siguroj se ai është në program."
Kryepeshkopi Tutu, një fitues i Çmimit Nobel për Paqe, ka qenë një mik i Nelson Mandelës për dekada të tëra.
Ai ka qenë kritik ndaj qeverisë aktuale ANC udhëhequr nga presidenti Jacob Zuma.
