Sot Këshilli i Ministrave i Bashkimit Evropian, pritet të marrë një vendim lidhur me statusin e Shqipërisë si vend kandidat për anëtar i Bashkimit Evropian. Në mbështetje të marrjes së statusit, janë shprehur përmes një letre 8 Ministra të Jashtëm të vendeve anëtare të Unionit.
Hartues dhe firmëtarë të letrës janë Ministrat e Jashtëm të Austrisë, Italisë, Kroacisë, Irlandës, Sllovenisë, Estonisë, Hungarisë dhe Bullgarisë, të cilët janë shprehur në mbështetje të vendit tonë, duke kërkuar të votohet pro statusit, bazuar edhe në rekomandimet e Komisionit Evropian. Letra i është dërguar Ministrit të Jashtëm të Lituanisë, z.Linas Linkevicius, i cili drejton Presidencën e Këshillit të Bashkimit Evropian, por edhe znj. Catherine Ashton, përfaqësueses së lartë për Politikën e Jashtme dhe Sigurinë prshkimit Evropian.
