Një grup hakerash kanë sulmuar e-mail-in e Kryeministrisë, i cili ishte vënë në dispozicion të qytetarëve për të shprehur sugjerimet apo shqetësimet e tyre. Janë 179 e-mail-e të dërguara nga qytetarët në Kryeministri, që nuk janë më konfidencialë, raporton “Shqiptarja.com”. Hakerat janë shprehur të indinjuar për pjesëmarrjen e Ramës në meshën e mbajtur në greqisht.
“Objektivi ynë është t’u hapim sytë njerëzve, se qeveria ka dështuar për t’ju mbrojtur dhe nuk kujdeset për ju.
Ne nuk harrojmë, nuk falim, por do reagojmë ndaj çdo veprimi të gabuar që do ndërmerret", - thuhet në videon që hakerat kanë hedhur në “youtube”.
