Ministria e Jashtme dorëzoi në prokurori një kallëzim penal për ish-Konsullen e Shqipërisë në Konsullatën e Milanos, që akuzohet për shpërdorim detyre.
Nausika Spahia akuzohet për abuzime me shuma të mëdha financiare, por pjes e hetimeve është edhe Gjon Çoba, vëllai i ish-kryetares së Kuvendit, Jozefina Topalli.
E gjithë dosja e Ministrisë së Jashtme tashmë ndodhet në duart e prokurorëve që kanë nisur punën për verifikimin e kallëzimit.
Padia e radhës ndaj ish-zyrtares mbërrin një ditë pasi një tjetër dikaster, ai i Mbrojtjes dorëzoi në prokurori një kallëzim të dytë penal për ish-ministrin Arben Imami, që akuzohet për afera në fushën e demontimit të armëve, shitjes së tritolit, sponsorizimeve, e deri te kalimi i klubit sportiv Partizani në pronësi të Uzinës së Mjekësit.
