Në vijim të operacioneve të njëpasnjëshme antidrogë të zhvilluara nga Sektori Kundër Narkotikeve në Drejtorinë e Policisë së Qarkut Gjirokastër për goditjen e trafikut të lëndëve narkotike , ku brenda 24 orëve të fundit u sekuestran rreth 530 kg Mariuanë gjatë dy operacioneve , një tjetër rast i trafikut te narkotikëve është zhvilluar nga Sektori Kundër Narkotikëve në aksin rrugor Gjirokastër -Uji i Ftohtë.
Specialistët e Sektorit Kundër Narkotikëve kanë marrë informacion se një shtetas i cili udhëtonte me një automjet Furgon që shërbente për transport udhëtarësh, nga Gjirokastra në drejtim të Tiranës, po transportonte në një cantë shpine, disa pako me lëndë narkotike.
Menjëhërë Specialistët e Sektorit Kundër Narkotikëve kanë bërë bllokimin e automjetit ku kanë ushtruar kontroll të imtësishëm të bagazheve të udhëtrave.
Nga kontrolli rezultoi se në një cantë shpine që ndodhej në bagazhin e furgonit, dhe i përkiste pasagjerit Gëzim Rrapa u gjëtën 5 pako me lëndë narkotike të dyshuar si Mariuanë, me peshë të ndryshme gjithësej 4 kilogramë.
Lënda narkotike u sekestrua në cilësinë e provës materiale, ndërsa shtetasi Gëzim Rrapa u arrestua në flagrancë për veprën penale “Prodhim dhe shitje të narkotikëve”.
Materialet i kaluan Prokurorisë së Rrethit Gjyqësor Gjirokastër për verime të mëtejshme.
