Policia e Shtetit vijon operacionin në Lazarat për kontrollin e territorit dhe ambienteve, me qëllim gjetjen e asgjesimin e lëndëve narkotike, sekuestrimin e sendeve të kundërligjshme, kryerjen e veprimeve procedurale dhe hetimore, si dhe vënien para drejtësisë të atyre personave që kanë kryer veprime të kundraligjshme.
Gjatë ditës së sotme, datë 27.06.2014, nga kontrollet e ushtruara është bërë e mundur:
- gjetja e asgjesimi i një sasie prej 1 ton e 782 kg marijuanë në 3 ambiente të ndryshme
- gjetja e sekuestrimi i 11 armë zjarri automatikë
- gjetja e sekuestrimi i 3 armë zjarri pushkë
- gjetja e sekuestrimi i 3 armëve të gjahut çifte
- gjetja e sekuestrimi i 3705 fishekë të llojeve të ndryshme
- gjetja e sekuestrimi i 930 copë kapsolla detonatore
- është sekuestruar 1 kallëp tritol, 1 granatë
- është sekuestruar 30 ml fitil zjarrpërcjellës dhe një sasi tjetër fitili zjarrpërcjellës.
- është sekuestruar 1 automjet
