Një fytyrë quhet problematike kur ka pore të mëdha që ngjajnë me gropëza, kjo është një gjendje gjenetike që vërehet më shumë te lëkurat e yndyrshme se sa te ato të thata apo të ndjeshme.
Mirëpo falë kurave në kushte shtëpie asgjë nuk është e patrajtueshme, mjafton të kombinoni produktet e duhura dhe të keni pak durim.
Më poshtë po ju rekomandojme një maske shumë të mirë për mbylljen e poreve të mëdha:
1 e bardhë veze
1/2 (gjysmë) luge lëng limoni
1/4 domate (në madhësi të vogël)
Përgatitja:
Pasi të keni pastruar të gjitha farëzat e domates, grijeni hollë në rende. Në një tas rrihni të bardhën e vezës, derisa të formohet një shkumë e trashë, në vazhdim, shtoni lëngun e limonit (rriheni dhe pak akoma), dhe në fund shtoni domaten e grirë dhe trazojini mirë.
Përdorimi:
Ngaqë maska është e lagësht, aplikojeni me furçë, në 2-3 shtresa në të gjithë sipërfaqen e fytyrës ose vetëm në ato pjesë ku poret janë më të mëdha. Lereni maskën të veprojë për rreth 20 minuta dhe pastaj shplajeni me ujë të vakët.
Limoni dhe domatja janë të pasura me acide, ato largojnë qelizat e vdekura nga lëkura, papastërtitë e mbledhura në pore, yndyrnën e tepërt etj. Ndërsa e bardha e vezës forcon poret e lëkurës duke e bërë lëkurën më rrezatuese dhe rinore.
