Një grup biologësh dhe kimistësh studiuan përqëndrimin e vlerave ushqyese të qumështit të buburrecave.
Qumështi i buburrecit të Pacifikut (Diploptera punctata) është jashtëzakonisht ushqyes, sipas studimit të botuar sëfundmi në revistën e Unionit Ndërkombëtar të Kristalografisë.
Shkencëtarët gjetën se vlerat ushqyese të tij i kaluan 3 herë vlerat ushqyese të qumështit nga buajt. “Kristalet janë si një ushqim i plotë, ku ato kanë proteina, yndyrna dhe sheqerna”.
Sipas Sanchari Banerjee, një prej autorëve të studimit proteinat e këtij qumështi përmbajnë të gjitha aminoacidet esenciale. Buburreci i Pacifikut është i vetmi buburrec që prodhon qumësht. Ai është vivipar pasi i pjell të vegjëlit e tij; ai nuk prodhon vezë si speciet e tjera të buburrecave.
Si të gjithë organizmat viviparë, kjo specie i ushqen të vegjëlit e saj me një lëng të pasur me proteina që sekretohet nga “qeska”-versioni i mitrës tek buburrecat. Mbas gëlltitjes së lëngut, kristalet e proteinave zhvillohen në brendësi të zorrës së mesme. Këto kristale proteinike janë unike pasi çlirojnë të njëjtën sasi proteinash, që gjendet në qumështin lëng.
Kjo nuk nënkupton që qumështi i burrecave do të zvendësojë raftet e ushqimeve të tjera, por është një mundësi e hapur për ata të cilët nuk marrin sasinë e nevojshme ditore të kalorive.
Përshtati në shqip: Grifin Albania
