Tiranë, 13 prill, NOA - Ministri i Jashtëm Lulëzim Basha, ka bërë sot me dije se, qeveria shqiptare do të aplikojë së shpejti për statusin e vendit kandidat për në Bashkimin Europian.
Ministri Basha ka theksuar se, me të njëjtin vullnet që kjo qeveri bëri të mundur anëtarësimin e Shqipërisë në NATO, do të bëjë të mundur afrimin e Shqipërisë me Bashkimin Europian. Ai ka nënvizuar se, brenda një viti qytetarët shqiptarë do të lëvizin pa viza nëpër Europë. "Reforma, lufta kundër krimit dhe korrupsionit , bënë të mundur dyfishimin e pagave dhe pensioneve shndërrimin e Shqipërisë në një kantier ndërtimi"- u shpreh Basha. Â Sipas tij me të njëjtin vullnet dhe përkushtim do të vijohet dhe në katër vitet e ardhshme. Kreu i diplomacisë shqiptare ka kërkuar që qytetarët shqiptarë, para se të vendosin se kujt do t'i besojnë fatin e tyre në katër vitet e ardhshme, të reflektojnë ku ishin dhe ku janë.
s.v/NOA
