Tiranë 23 prill NOA - Kuvendi i Shqipërisë votoi sot për heqjen e imunitetit të deputetit të LSI-së, Nikollaq Neranxi, si dhe ngritjen e komisionit për hetimin e lejeve të ndërtimit të kryetarit të Bashkisë së Tiranës, Edi Rama.
Deputetët kanë vendosur të heqin imunitetin e deputetit Neranxi me qëllim që ai të hetohet nga prokuroria për abuzime.
Pak para votimit, deputeti i partisë së LSI-së Nikollaq Neranxi e cilësoi këtë akt, si sulm me qëllime të pastra politike. "Kjo kërkesë e ardhur nga prokuroria është ideuar dhe vënë në lëvizje për qëllime të pastra politike", u shpreh Neranxi. Ndërkohë që po sot në seancën parlamentare është votuar edhe ngritja e komisionit për hetimin e lejeve të ndërtimit të kryetarit të Bashkisë së Tiranës Edi Rama.
k.k/NOA