Krujë, 16 Gusht NOA Update - Personi i vrarë pasditen e sotme është gjetur nga familjarët e tij, të cilët më pas lajmëruan policinë, informon korrespondentja e agjencisë së lajmeve NOA.
Viktima Maliq Topalli, 51 vjeç, lindur e banues në fshatin Tapizë të komunës Nikël në rrethin e Krujës, u gjet i vdekur në Çerek po të komunës Nikël, thanë për agjencinë NOA, burimet hetimore.
Policia tha se 51-vjeçari Maliq Topalli, dyshohet se është vrarë me armë zjarri automatike dhe ai u gjet pranë bregut të lumit në fshatin Qerret në orën 19.40 të ditës së sotme.
Mësohet se policia po punon për të zbardhur ngjarjen dhe për të identifikuar autorin e krimit dhe shkaqet e kësaj vrasjeje ende të paqartë, që nga policia po hetohet edhe si një vetëvrasje e mundshme pasi nuk ka asnjë gjurmë autorësh.
/v.n/b.a/NOA/
