Tiranë, 18 shtator, NOA - Gati gjysma e zonave të kryeqytetit ka mbetur pa drita gjithë paraditen e sotme, në pritje të mbërritjes së furnizimit me energji elektrike.
Brenda zonave ku ka patur ndërprerje të plotë energjie, pa mbërritur akoma, përfshihen Ali Demi, Oxhaku, Bërryli dhe Shkolla e Bashkuar, por edhe zona e Laprakës apo Fusha e Aviacionit.
Nga ana e tij, Operatori i Sistemit të Shpërndarjes ka pohuar se kjo është shkaktuar për shkak të një avarie në nënstacionin elektrik të Shkozës.
Ekspertët e OSSH-së pohojnë se janë duke punuar për riparimin më të shpejtë të kësaj avarie, për të mundësuar sa më parë rikthimin e energjisë elektrike.
