Stokholm, 19 Tetor NOA - Kryesia e Lidhjes Demokratike të Dardanisë - Dega në Suedi nën udhëheqjen e kryetarit z. Hysen Ibrahimi, mbajti mbledhjen e saj të radhës.
Kryesia mbështet fuqishëm koalicionin LDD-AKR, si mundësi reale për ndryshim më cilësor për qeverisje lokale, duke u bazuar në kapacitetin intelektual dhe kapital që posedojnë dy subjektet.
"Kryesia fton elektoratin e Kosovës që të votojnë për këtë koalicion duke na u dhënë mundësia për të qeverisur dhe për të dëshmuar se jemi të aftë të ngrejmë cilësinë e infrastrukturës për një zhvillimi më të mirë ekonomik, social, shëndetësorë, arsimor, pensional dhe sfera të tjera të jetës", - tha Rrahman Rrahmani, sekretar i Kryesisë së Lidhjes Demokratike të Dardanisë - Dega në Suedi.
Ky koalicion, - shtoi ai, - do të ndryshojë njëherë e përgjithmonë qeverisjen lokale, do të luftojë çdo shkelje të ligjit, zhdukjen e korrupsionit, zhdukjen e formës së tenderimit dhe interesave klanore e farefisnore.
Motoja e koalicionit LDD-AKR shihet qartë "qeverisja të punojë për qytetarin, e jo qytetari për qeverisje", - sikurse ka ndodhur në qeverisjen lokale dhe që është duke ndodhur në qeverisjen qendrore", - shtoi Rrahmani.
Kjo moto dhe ky koalicion, - përfundoi ai, - krijojnë mundësitë për thithjen e donatorëve të mëdhenj të Kosovë dhe jashtë saj.
e.r/NOA
