Tiranë, 16 dhjetor NOA - Dy persona janë arrestuar dje nga policia pasi akuzohen për vjedhje.
Efektivat e komisariatit të Policisë Nr.2 në arrestuan dje 29-vjeçarin Fatjon Tahiri, i dënuar disa herë për vjedhje dhe Blendi Shkalla, 31-vjeç i dënuar disa herë për vjedhje dhe për shmangie nga shërbimi ushtarak. Arrestimi i tyre u bë pasi dje rreth orës 15.30, në rrugën "Sami Frashëri", pallati "Vega", u kapën në flagrancë, duke vjedhur amplifikatorët e antenës qendrore në taracën e pallatit dhe dyshohen se, janë autor të vjedhjes së një banesës të ndodhur po në këtë pallat.
U kryen veprimet proçeduriale dhe hetimore ndërkohë që materialet do t'i kalojnë Prokurorisë së Rrethit Gjyqësor Tiranë, për veprën penale të "Vjedhjes" në bashkëpunim.
k.k/NOA
