Milano, 15 Mars NOA - Ekipi kuq e zi i Milanit ka arritur të fitojë në sfidën e djeshme përballë Chievos me rezultatin 1 me 0 duke marrë një trepikësh tepër të rëndësishëm.
Djemtë e Leonardos arritën të fitonin këtë garë vetëm në minutat e fundit të saj dhe kjo erdhi falë golit të shënuar nga Seedorf, i cili realizoi një goditje mjaft të bukur nga jashtë zone.
Duhet thënë se loja e zhvilluar në këtë ndeshje po e çonte atë drejt një barazimi madje të ftuarit arritën të shënonin me anë të Yepes por, goli i tij nuk u quajt për një pozicion të parregullt i cili nuk ishte i tillë.
Për Milanin kjo fitore do të thotë vetëm një pikë larg kryesuesve të Interit dhe tashmë mund të themi se Kampionati Italian i Seria A është rihapur dhe lufta për fitimin e këtij titulli po diskutohet ndërmjet dy ekipeve të Milanos.
r.b/NOA
