Moskë, 30 mars, NOA - Ndërsa Rusia sot gjendet e gjitha në ditë zie për shkak të dy shpërthimeve të djeshme në metronë e Moskës, hetuesit po kërkojnë ndihmësit e dyshuar të atentatoreve.
Si pasojë e sulmeve në stacionet Lubjanka dhe Parku i Kulturës, dje u vranë të paktën 38 persona dhe janë plagosur mbi 60 të tjerë.
Konkretisht, hetuesit po kërkojnë dy gra dhe një burrë, të cilët i kanë shoqëruar atentatoret deri në dy stacionet ku kamikazet janë futur në metro.
Autoritetet ruse dyshojnë se pas këtyre sulmeve të përgjakshme qëndrojnë seperatistët islamikë nga republikat e Kaukazit, ndërsa presidenti i Rusisë, Dmitri Medvedev, paralajmëroi një luftë të paepur kundër terrorizmit.
"Ne do të vazhdojnë pa hezituar fare deri në fund operacionet kundër terrorizmit. Këto duhet të jenë edhe udhëzime për autoritetet e mbrojtjes nga katastrofat dhe organet e sigurisë, pa asnjë pikë dyshimi dhe deri në fund", theksoi Medvedev.
n.e/NOA
