Tiranë, 3 prill, NOA - Ministria e Mjedisit ka kërkuar pezullimin e punimeve nga punonjësit e Bashkisë së Tiranës dhe firmat e ndërtimit në sheshin "Skënderbej". Arsyeja e bllokimit të punimeve ka të bëjë me mungesën e lejes mjedisore nga ana e Bashkisë së Tiranës për nisjen e tyre.
Krahas bllokimit të punimeve, ministria e Mjedisit ka vendosur dhe një gjobë prej 2 milionë lekësh të reja.
Nisja e punimeve për restaurimin e qendrës së Tiranës pritet të bëhen vetëm pas marrjes së lejes në ministrin e Mjedisit dhe pagimit të gjobës.
Rikonstruksioni i qendrës së Tiranës është kthyer në debatin më të madh të kohëve të fundit mes pushtetit qendror dhe atij vendor.
Një javë më parë ministria e Transporteve deklaroi se do të niste ndërtimin e qendrës nëse kjo gjë nuk bëhej nga bashkia.
Ndërkohë që plani i propozuar nga bashkia për sheshin "Skënderbej" është cilësuar nga drejtues të mazhorancës si i papërshtatshëm.
m.xh/NOA
