Tiranë, 3 maj, NOA – “Jam për zbatimin e rregullave dhe faktit që gjithçka duhet të jetë brenda rregullave të demokracisë në Shqipëri”.
Me një deklaratë të tillë, kreu i shtetit Bamir Topi, ka komentuar paraditen e sotme, i pyetur nga gazetarët, grevë e urisë së deputetëve socialistë.
“Pozicionohem brenda rregullave demokratike”, ka preferuar të thotë kreu i shtetit, pa dashur të komentojë më tej qëndrimin e tij mbi grevën e socialistëve.
Ndërkaq, në konferencën e organizuar nga Inspektoriati i Lartë për Deklarimin e Pasurive, kreu i shtetit ka apeluar për më shumë besim dhe transparencë të zyrtarëve duke theksuar se lufta kundër korrupsionit është një standard drejt integrimit.
“Qytetarët duhet të dinë se kush i drejton. Duhen bërë përmirësime për luftën ndaj korrupsionit”, theksoi ai.
n.e/NOA
